Ta përfaqësosh shtetin është nder dhe privilegj, ndërsa të jesh pjesë e kombëtares së shtetit është e arritura më e madhe në karrier për një sportist.
KHF Istogu njihet që në vazhdimësi prodhon lojtare të cilat mbrojnë ngjyrat e kombëtarës së Kosovës, së fundmi Yllka Shatri ka fituar besimin e selektorit Agron Shabani që e ftoj në kombëtaren “A” të Kosovës për ndeshjet kualifikuese kundër Austrisë dhe Italisë.
Yllka Shatri është produkt i Akademisë së Hendbollit Istogu, e gjatë 179 cm dhe luan në poziten e pivotemenes.
Me skuadren Istogase ka fituar gjithqka që mund të fitohet në hendbollin kosovarë, titullin kampion të Kosovës U15, U17, kupën dhe titullin kampion të Kosovës për seniore dhe pjesë e skuadrës në sukseset në gara nderkombëtare.
Më heret ishte dhe pjesë e kombëtarës U19, ndërsa te kombëtarja A do të t’iu bashkangjitet bashkëlojtareve të skuadres, Albina Rugova, Suzana Ujkic e Aurora Shehdadi.
Ndeshjet kualifikuese zhvillohen me 19/20 Mars në kryeqytetin Austriak, Vjenë.
