Xhaxhai i Kryetarit të Kuvendit, Glauk Konjufca, Rabit Konjufca, është emëruar këshilltar në Ministrinë e Mbrojtjes, të cilën e drejton Armend Mehaj, shkruan Disidenti.net
Sipas të dhënave që janë të publikuara në faqen zyrtare të Ministrisë së Mbrojtjes, emri i xhaxhait të Glauk Konjufcës, Rabit Konjufca figuron si këshilltar politik i ministrit Mehaj.
Rabit Konjufca gjithashtu ka garuar edhe për kryetar të Komunës së Lipjanit nga radhët e Vetëvendosjes.
Kurse, si ministër të Mbrojtjes, Kurti ka emëruar Armend Mehajn. Emri i tij u diskutua për shkak se ishte emër i padëgjuar në skenën politike.