Disidenti
Lajme

Vdes krijuesi i pistoletës Glock

0Shares

Gaston Glock, inxhinieri austriak që krijoi pistoletën Glock, është ndarë nga jeta në moshën 94-vjeçare.

Ky model pistolete është ndër më të përdorurit në llojin e saj, që përdoret nga forcat e armatosura, personel i sigurisë, posedues të armëve me leje si dhe kriminelë në mbarë botën.

Gaston Glock ishte miliarder që nuk shfaqej shpesh në media. Megjithë popullaritetin e tij, shumicën e kohës ai qëndronte i izoluar në një pronë të tij buzë një liqeni në Austri.

Glock u bë tituj në lajme kur në vitin 2012 u botua një libër për biznesin e tij, divorci nga gruaja e parë në vitin 2011, dhe kur një bashkëpunëtor i tij në biznes tentoi ta vriste në fund të viteve ’90. Ai ishte një mundës profesionist dhe e goditi 7 herë në kokë me shkop gome, por Gaston Glock, në atë kohë 70 vjeç, u kundërpërgjigj dhe arriti ta hidhte në tokë sulmuesin.

 

Gaston Glock lindi në vitin 1929 dhe studio inxhinieri mekanike në një kolegj në Vienë. Më vonë hapi një biznes për mallrat e konsumit. Në fillim të viteve ’80, biznesi i tij u përqëndrua kryesisht në furnizimet ushtarake. Ky ishte dhe momenti kur ai hyri në botën e armëve. Një telefonatë nga ushtria austriake që po kërkonte të sofistikonte pistoletat e saj ishte pikënisja. Glock projektoi një pistoletë gjysmëautomatike 9 milimetra që qëllonte 18 fishekë.

Kjo pistoletë u bë pionere e armëve të vogla në kategorinë e saj, duke u përdorur nga personeli ushtarak dhe policor në mbarë botën.

Në vitin 2021, pasuria e Gaston Glock u vlerësua nga Forbes në vlerën e 1.1 miliardë Dollarë.

Sistemi i Perëndimit së shpejti edhe në Kosovë, e kthen shishen, i merr paratë

Disidenti.net

“Çka nëse e sheh në rrugë”, babai i Rizës flet pas lirimit të Sekiraqës: Shohim se si do të zhvillohet – mirë jo

Disidenti.net

35-vjetori i grevës së minatorëve, Kurti: Me guxim politik, ky komunitet e dridhi gjithë ish-Jugosllavinë

Disidenti.net