Disidenti
Lajme

Turqit kërkojnë një ministri nga Qeveria e re, Fikrim Damka: Ndryshe nuk kemi vota për Kurtin

0Shares
Partia Demokratike Turke e Kosovës nën udhëheqjen e Fikrim Damkës në zgjedhjet e 14 shkurtit fitoi dy deputetë në Kuvendin e Kosovës. Krahas Damkas, në Parlament, turqit do t’i përfaqësoj edhe Fidan Jilta, i cili siguroi votat e mjaftueshme për deputet nga radhët e komuniteteve.

Udhëheqësi i KDTP-së, Fikrim Damka, në një prononcim për Gazetën Online ‘Reporteri.net’ tha se ende nuk janë takuar me fituesin e zgjedhjeve, Albin Kurtin, për të diskutuar në lidhje me koalicionin e mundshëm.

Por, i pari i turqve të Kosovës tash më e ka ndarë mendjen që të ulet e të bisedojë me kreun e Vetëvendosjes për të qenë pjesë e Qeverisë Kurti II.

‘’Ende nuk jemi takuar me Kurtin pasi kemi pritë të certifikohen zgjedhjet. Nëse jemi pjesë e koalicionit do ta votojmë qeverinë, nëse nuk jemi pjesë e qeverisë nuk do ta votojmë’’, tha Damka për Reporteri.net.

Në zgjedhjet e 14 shkurtit, partia që e udhëheqë Damka, mori gati 6 mijë e 500 vota duke dalë partia e parë e komunitetit turk që jeton në Kosovë.

Por, kurdo që Damka e Kurti do të takohen, ky i fundit do të përballet me një kërkesë të qartë.

‘‘Ne gjithmonë e kemi pasur një ministër në Qeveri dhe presim ta kemi përsëri një ministër. Nuk do të hyjmë në koalicion nëse nuk do ta kemi një ministër në Qeveri’’, tha Damka për Reporteri.net.

Tha se krahas postit të ministrit presin të përfaqësohen edhe në nivele të tjera qeveritare.

E që nga 2008 kur Kosova shpalli pavarësinë, turqit janë përfaqësuar vazhdimisht me nga një ministër në qeveritë e vendit.

Për më shumë se 10 vite, Mahir Yagcilar ishte pjesë e qeverisë si ministër i Pushtetit Lokal, Administratës Publike e asaj të Ambientit.

Edhe në Qeverinë e Hotit pjesë e kabinetit nga KDTP ishte Enis Kervan, Ministër i Zhvillimit Rajonal.

Por tradita e përfaqësimit të turqve në Qeveri u ndërpre shkurtimisht në kohën kur ekzekutivin e udhëhiqte Kurti. Kjo pasi në Qeverinë 50 ditëshe të kryetarit të LVV-së, turqit nuk u përfaqësuan në nivelin e ministrit.

 

Fondacioni Golden Eagle bën thirrje për krijimin e fondit për Policinë e Kosovës, ndanë 30,000 euro

Disidenti.net

Mirena: Afrim Bunjaku, që sot ra në detyrë, shteti nuk i ka garantuar as sigurim shëndetësor, as sigurim jetësor, e Qeveria ua ka hequr edhe shtesat për rrezikshmëri në punë

Disidenti.net

“Ma shpejt se t’i jepi 2-3 shuplaka”/ I riu në Prishtinë kapet me Policinë pasi e gjobitën për shkelje në trafik

Disidenti.net
Disidenti

Turqit kërkojnë një ministri nga Qeveria e re, Fikrim Damka: Ndryshe nuk kemi vota për Kurtin