Ish-zëvendëskryeministri, Driton Selmanaj iu është kundërpërgjigjur bashkëpartiakut të tij, Anton Quni, me të cilin sot gjatë ditë ka pasur polemika të vazhdueshme me njëri-tjetrin, shkruan Gazeta Sinjali.
Përmes një postimi në Facebook, Selmanaj ka thënë se “është e ligë dhe tejet e ulët që të na ripaketohen si reformator apo “dream team”.
“Qenkan prek pak “gjenerata e re reformatore” e LDK-së. Pajtohem që zërin qytetar duhet dëgjuar me shumë kujdes, dhe që reflektimi të ndodh me domosdoshmëri, por ky reflektim duhet të filloj pikërisht nga ata që për 20 vite mbajtën pozita të rëndësishme në LDK, dhe ata që në degët e tyre në zgjedhjet e fundit humbën mbi 50% të elektoratit të LDK-së. Është e ligë dhe tejet e ulët që të tillët të na ripaketohen si reformator apo “dream team”!”, ka shkruar Selmanaj.