Disidenti
Lajme

Qeveria Kurti 2, këta pritet të jenë disa nga ministrat

0Shares

Ushtruesja e detyrës së presidentes së Kosovës, Vjosa Osmani dhe kandidati për kryeministër i Vetëvendosjes, Albin Kurti tashmë kanë përfunduar shumicën e takimeve konsultative me partitë politike për formimin e institucioneve.

Osmani dhe Kurti tashmë kanë takuar përfaqësuesit e Partisë Demokratike të Kosovës, Aleancës për Ardhmërinë e Kosovës, përfaqësuesit e komuniteteve, ndërsa sot do të takojë përfaqësuesit e goranëve dhe të premten liderin e Lidhjes Demokratike të Kosovës, Lumir Abdixhiku.

Një ditë më parë është mbajtur edhe mbledhja e Kryesisë së Kuvendit të legjislaturës së shtatë, ndërsa është vendosur që seanca konstitutive të mbahet më 22 mars, në ora 10:00.

Pas konstituimit të Kuvendit, pritet që ushtruesja e detyrës së presidentit të dërgojë letër për mandatarin, ndërsa pas kësaj të mbahet edhe seanca e Kuvendit për votimin e Qeverisë.

“Pas votimit edhe të Kryesisë, Kuvendi konsiderohet se është i konstituuar dhe në aspektin formal juridik sapo të vijë letra nga ana ushtrueses së detyrës së presidentes për mandatimin e kryeministrit, thirret seanca…”, ishte shprehur Arbërie Nagavci pas mbledhjes së Kryesisë.

Mirëpo, i tërë ky proces pritet të përfundojë javën e ardhshme.

Ndërkaq, derisa na ndajnë disa ditë nga seanca konstitutive dhe seanca për formimin e Qeverisë tashmë janë përfolur disa emra për ministra në Qeverinë Kurti si dhe për kreun e Kuvendit.

Pritet që kryetar i Kuvendit, të jetë Glauk Konjufca, Ministrinë e Punëve të Jashtme, Donika Gërvalla, Ministrinë e Punëve të Brendshme, Xhelal Sfeçla, Ministrinë e Arsimit, Arbërie Nagavci, ndërsa për Ministrinë e Shëndetësisë janë përfolur Arben Vitia ose Haxhi Avdyli.

Putin: Ata që dërgojnë forcat e tyre në vendin tonë, do të përballen me pasoja tragjike

Disidenti.net

Hajnat bëjnë kërdi në një banesë në Prishtinë, vjedhin rreth 88 mijë euro para të gatshme

Disidenti.net

Kurti s’mori pjesë në Samitin në Tiranë, Krasniqi: Kryeministër idhnak ku je? Kfjellu

Disidenti.net