Presidenti rus, Vladimir Putin e ka përdorur fjalimin e tij për gjendjen e kombit për të përshëndetur unitetin kombëtar rus.
Duke iu drejtuar një auditori të ligjvënësve dhe zyrtarëve të lartë në një fjalim të transmetuar drejtpërdrejt në mbarë vendin, Putin tha se Rusia po “mbron sovranitetin dhe sigurinë e saj dhe po mbronte bashkatdhetarët tanë” në Ukrainë dhe këmbënguli që i ashtuquajturi “operacion special ushtarak” gëzonte mbështetjen e shumica e qytetarëve rusë, shkruan euronews.
Ai përshëndeti ushtarët rusë dhe nderoi me një moment heshtje ata që u vranë në luftime.
Megjithatë, ai përsëriti se çdo “kërcënim” perëndimor kundër Rusisë do të kishte pasoja katastrofike – një referencë e qartë për aftësinë e armëve bërthamore të Rusisë.
“Ne gjithashtu kemi armë që mund të godasin objektivat në territorin e tyre”, tha ai. “Ne kujtojmë se çfarë ndodhi me ata që dërguan forcat e tyre në vendin tonë. Tani pasojat për ndërhyrësit do të jenë shumë më tragjike”, tha Putin.