Ju që dëshironi të punoni në profesionin që keni mësuar në Kosovë, është shumë e rëndësishme në Gjermani njohja/pranimi i diplomës së zanatit ose shkollës suaj. Janë tri ose më shumë portale gjermane ku kosovarët mund të marrin informacione praktike se si njihen/pranohen në Gjermani certifikatat profesionale dhe diplomat e shkollës/zanatit: “www.anabin.de”, “www.anerkennung-in-deutschland.de” dhe “www.bq-portal.de”.
“WWW.ANABIN.DE”, ofron informacion për vlerësimin e certifikatave/diplomave të huaja arsimore dhe mbështet autoritetet, punëdhënësit dhe punonjësit, e individët në klasifikimin/njohjen/pranimin e diplomës së huaj në sistemin arsimor gjerman.
WWW.ANERKENNUNG-IN-DEUTSCHLAND.DE, ofron informacione të specializuara për njerëzit me diploma të huaja profesionale, nëse kanë nevojë për një vendim zyrtar të njohjes së diplomës, në mënyrë që të jenë në gjendje të punojnë në profesionin e tyre në Gjermani.WWW.BQ-PORTAL.DE, iu ofron kompanive gjermane informacione rreth vlerësimit të diplomave të huaja profesionale/shkollore, duke iu referuar diplomave/kualifikimeve profesionale, arsimore, e trajnimeve në Gjermani.
