Nga sot qytetarët e Kosovës kanë marrë edhe dritën e gjelbërt për të lëvizur pa viza në vendet që janë pjesë e zonës Shengen, raporton Sinjali.
Tashmë shumë qytetarë veç se kanë filluar udhëtimin e tyre pa viza, përfshirë edhe pjestarë të Policisë së Kosovës.
Sot, ku data shënon 1 janar fillimin e vitit të ri 2024, pjesëtari i Policisë së Kosovës, Hikmet Bajrami përmes një shkrimi në Facebook ka bërë të ditur se po largohet nga Kosova.
Bajrami ka shkruar shkurt “Mirupafshim vendlindja ime”.
Kujtojmë se më 9 mars, Këshilli i Ministrave të BE-së ka miratuar në lexim të parë propozimin për lëvizjen pa viza për qytetarët e Kosovës. Procedura e radhës u bart në Komisionin për Liritë Civile, Drejtësinë dhe Çështjet e Brendshme (LIBE) për një votim të sërishëm.
Kosova ka nisur rrugëtimin e saj drejt liberalizimit të vizave para më shumë se 10 vitesh.