Disidenti
Lajme

Përleshje në një parking në Banjë të Istogut: Një person theret dy herë me kaçavidë, dërgohet në gjendje të rëndë në Emergjencë

0Shares

Me një kaçavidë, pasditen e djeshme, një person dyshohet se ka tentuar ta privojë nga jeta një person tjetër. Përleshjes mes tyre i parapriu një fjalosje që ndodhi në parkingun e një marketi në fshatin Banjë të Istogut.

Burimet e Gazetës Sinjali bëjnë me dije se i dyshuari e ka therë dy herë me kaçavidë viktimën – një herë në dorën e majtë dhe një herë nën sqetull.

Rastin për Sinjalin e ka konfirmuar edhe zëdhënësi i Policisë për rajonin e Pejës, Fadil Gashi, i cili tha se viktima ka pësuar lëndime të rënda trupore, por tanimë është në gjendje stabile.

Prangave të Policisë nuk ka arritur t’i ikë i dyshuari, i cili u kap në vendin e ngjarjes, mirëpo ai e kishte një ‘kërkesë’ për zyrtarët policorë.

Siç mëson Sinjali, ai ka kërkuar ndihmë mjekësore duke thënë se është goditur nga viktima me mjet të fortë.

Pas pranimit të ndihmës, i njëjti është dërguar në stacion policor dhe me vendim të prokurorit, është ndaluar për 48 orë.

Gashi njoftoi se lidhur me këtë është iniciuar rasti “Vrasje në tentativë”.

Kurti pret që BE-ja t’i largojë masat ndaj Kosovës: Nuk kanë qenë të drejta asnjëherë, tash janë bërë edhe absurde

Disidenti.net

Dështon ekzekutimi i pagave për zyrtarët publikë – mjekët, mësimdhënësit, policët, zjarrfikësit, mbesin pa rroga

Disidenti.net

Aksion i Antidrogës në Pejë: Sekuestrohet mbi një ton drogë në vlerë të rreth 5 milionë euro

Disidenti.net