Zëdhënësi i Policisë, Fadil Gashi ka thënë se në vendin e ngjarjes kanë dal Policia, FSK-ja, zjarrfikësit, si dhe KFOR-i.
Ai ka shtuar se njësitë relevante kanë punuar mbrëmë deri në orën 21:30 si dhe ka theksuar se i janë kthyer punës prapë mëngjesin e sotëm
Sot kanë dalë në vendin e ngjarjes prapë të gjitha njësitë relevante për të shuar zjarrin“, ka thënë ai për Gazetën Sinjali.
Gashi ka shtuar se rruga për në Shtupeq ku dhe po bëhet shuarja e zjarrit është bllokuar nga qytetarët.
“Rruga për në Shtupeq është e bllokuar për qytetarë dhe mund të kalojnë vetëm zyrtarët e institucioneve kompetente”, ka pohuar ai.
Ai u ka bërë apel qytetarëve që dalin në bjeshkët e Pejës dhe Istogut që të kenë kujdes maksimal, meqenëse thotë se zjarret mund të ndizen shumë lehtë shkaku edhe i temperaturave të larta.
“Unë iu kisha bë apel qytetarëve që dalin në bjeshkët e Pejës dhe Istogut, por jo vetëm në këto zona që të kenë kujdes maksimal, meqenëse sepse një duq i cigares në këto temperatura mund të pësojmë sikurse në Turqi“, ka shtuar Gashi./Gazeta Sinjali/
