Gjyqtari nga Zambwia, Janny Sikazwe, sot po ndan drejtësinë në ndeshjen mes Belgjikës dhe Kanadës.
Të gjithë tifozët e futbollit po ankohen në internet për dy penallti që ky gjyqtar nga Zambwia ua mohoi kanadezëve në pjesën e parë.
Mirëpo, i njëjti gjyqtar më herët kishte qenë protagonist i një skandali të rrallë. Ai gjatë Kupës së Afrikës që u zhvillua në fillim të këtij viti, fishkëlleu fundin e ndeshjes Tunizia – Mali kur kronometri shënonte minutën 85:07 pa dhënë kurrfarë shpjegimi.
Pastaj i njëjti bënte një prapakthim dhe pezullonte atë vendim, duke i urdhëruar lojtarët që të luanin sërish.
Sidoqoftë, sërish para kohës fishkëllente fundin e ndeshjes në të njëjtën sfidë, respektivisht në 89′ e 44 sekonda, pa dhënë asnjë minutë shtesë.
Tunizia ankohej tej mase për mënyrën se si ndahej drejtësia atë ditë. Ankesa të ngjashme pritet të kenë edhe kanadezët sot, që panë veten të penalizuar.
