Kryetari i Lidhjes Demokratike të Kosovës, Lumir Abdixhiku, ka parashtruar një pyetje në drejtim të kryeministrit, Albin Kurti, për të cilin thotë duhet të sqarojë nëse marrëveshja për energji është e mirë apo jo, raporton Gazeta Sinjali.
Abdixhiku e ka kujtuar momentin kur Mikullovci kishte hapur seancën konstituive në gusht të 2017-ës me një thënie të Azem Shkrelit: “Sikur të takoheshim me vetveten sy më sy, do të putheshim apo kishim për t’u pështy?”
“Marrëveshja ose është e mirë, ose jo. Ose është meritë e jotja ose e keni të trashëguar. Dalja nga roli politik po bëhet e zakonshme për ju kryeministër. Mikullovci në vitin 2017 kishte cituar Shkrelin ‘nëse takohemi me veten sy më sy a do të ishim puthë apo kishim për tu pështy;. Çka i kish bo Albin Kurti i 2015-s para këtij Albin Kurtit sot”, ka thënë ai.