LDK reagon që Konjufca e përmendi Aganin e jo Rugovën në Shqipëri: Harroi qëllimshëm

Zëdhënësja e Lidhjes Demokratike të Kosovës (LDK), Sibel Halimi, i ka reaguar kryeparlamentarit, Glauk Konjufca, i cili në seancën solemne Kosovë-Serbi nuk e përmendi presidentin e parë të Kosovës, Ibrahim Rugovën, ndërkaq e përmendi emrin e veprimtarit kombëtar, Fehmi Agani.

“Ndaj e shoh të pavend dhe ofenduese, që në fjalimin e sotëm të Kryetarit të Kuvendit, Glauk Konjufca, nuk u përmend askund kontributi madhor i atit themeltar të Republikës sonë, Presidentit Ibrahim Rugova”, ka shkruar Halimi në Facebook.

Ajo këtë çështje e ka trajtuar edhe nga prizmi i historisë.

“Historia nuk është përplotësuese e dëshirave momentale të politikanëve të rëndomtë. Ajo nuk mund të shërbejë si ideologji e interesave ditore. Harrimi i qëllimshëm i saj është përpjekje për ta manipuluar vetëdijen kolektive të një kombi. Diçka që nuk e toleron sidomos studimi i filozofisë. Ajo s’mund të rishkruhet. As të shtrembërohet dhe deformohet. Ajo duhet të njihet siç ka qenë. Të respektohet e promovohet si vlerë”, ka thënë ajo.

“Anashkalimi i Presidentit historik, projektuesit të paqes dhe shtetit të Kosovës nga fjalimet e liderëve nuk tregon asgjë tjetër, pos vogëlsi. Figurat e rëndësishme e kontribuese për lirinë e pavarësinë e vendit, duhet t’i tejkalojnë inatet apo ideologjitë personale e partiake, duke e pasqyruar saktë të kaluarën tonë të përbashkët”, ka deklaruar ajo.

“Me sa duket, filozofi gjerman Hegeli me të drejtë kishte shkruar se historia na ka mësuar se njerëzit dhe qeveritë nuk kanë mësuar asgjë nga historia”, përfundon Halimi duke e cituar Hegelin. /Express

LDK reagon që Konjufca e përmendi Aganin e jo Rugovën në Shqipëri: Harroi qëllimshëm

“Urime Zajednica”, shpërthejnë të qeshurat pas reagimit të Konjufcës

“Ti je mashtrues, i pa guximshëm” – Agim Veliu i kundërpërgjigjet Kurtit

Kurti për Abdixhikun e Hotin: I njoh mirë, të dy bashkë s’bëjnë sa çereku i Bislimit dhe Muratit

‘Asociacion i maleve të Sharrit, të Lumit Lepenc’, ‘A je mirë çka po flet?’ – Përplasen Kurti e Abdixhiku

Kurti tregon gjashtë kushtet për ta pranuar Asociacionin

LDK reagon që Konjufca e përmendi Aganin e jo Rugovën në Shqipëri: Harroi qëllimshëm