Një 24 vjeçar është gjetur i vdekur në banesën e tij mengjesin e sotëm në Pejë. Zëdhënësi i policisë në këtë rajon, Fadil Gashi e ka konfirmuar për Gazetën Insajderi se rasti ka ndodhur sot rreth orës 5 të mëngjesit.
Ndonëse në media po raportohet si vetëvrasje, por ai nuk e konfirmoi një gjë të tillë. Sipas tij, rasti është duke u hetuar si “Rast i vdekjes”.
Trupi i të ndjerit është marrë nga organet kompetente për obduksion pasi ai u gjet pa shenja jete nga familjarët në banesën e tij.
Gazeta Insajderi mëson se viktima është Ardi Pajaziti, 24 vjear nga qyteti i Pejës./Gazeta Insajderi/
