Disidenti
Lajme

Kush është Artane Rizvanolli, ministre e Ekonomisë në Qeverinë Kurti 2

0Shares

Kandidati për kryeministër, Albin Kurti, në ekspozenë e tij para deputetëve, ka prezantuar edhe emrat e ministrave të kabinetit të tij. Në mesin e emrave të ministrave të rinj, bie në sy një emër i panjohur për politikën. Bëhet fjalë, për Artane Rizvanollin, ministre e Ekonomisë.

Por kush është Artane Rizvanolli? Ajo është doktor shkence në fushën e ekonomisë, dhe ligjëruese në Kolegjin Riinvest, që nga viti 2007.

Pas përfundimit të studimeve bazike në Ekonomiks në Universitetin e Prishtinës, Rizvanolli, ajo ka vazhduar studimet Master në Ekonomiks për analizë biznesi në Universitetin Staffordshire në Mbretërinë e Bashkuar.

Në vitin 2012 ajo ka doktoruar në fushën e Ekonomiksit në Universitetin Staffordshire me hulumtimin e fokusuar në lidhjen në mes kapitalit njerëzor dhe investimeve të huaja direkte në ekonomitë evropiane në tranzicion.

Pas angazhimit gjashtëvjeçar si hulumtuese në Institutin Riinvest, ajo e ka vazhduar punën e saj si hulumtuese dhe këshilltare për analiza dhe politika ekonomike në kuadër të organizatave të ndryshme kosovare dhe ndërkombëtare në fushat si punësimi, zhvillimi i sektorit privat, efektet e diasporës në ekonomi, financat publike, etj.

 

Spahiu: Isha në Beograd, kondukteri s’mi mori dinarët, tha ‘nuk guxoj prej Albin Kurtit’

Disidenti.net

Miratimi i rezolutës për Srebrenicën, këto janë vendet që votuan pro dhe kundër

Disidenti.net

Cirku i Vuçiqit në OKB, mbante flamurin serb dhe më pas sulmoi Gjermaninë

Disidenti.net