Disidenti
Sport

Kush e ‘pushtoi’ stadiumin në ndeshjen Portugali-Uruguai (VIDEO)

Ndeshja e Kupës së Botës mes Portugalisë dhe Uruguait u ndërpre pasi një tifoz që mbante një flamur të LGBTQ+, vrapoi në fushë.

Incidenti ndodhi pak para se Bruno Fernandes të kalonte Portugalinë në epërsi 1-0. Personi që e mbarte këtë flamur kishte gjithashtu një bluzë me fjalët “Save Ukraine” në pjesën e përparme dhe “Respekt për gratë iraniane” në anën e pasme, transmeton Klankosova.tv.

Sigurimi e tërhoqi shpejt atë nga fusha pasi ai shprehu mendimet e tij për protestat e të drejtave të grave në Iran, luftën e vazhdueshme në Ukrainë dhe politikat diskriminuese të Katarit për njerëzit LGBTQ+, të cilat të gjitha janë vërejtur gjithashtu gjatë Kupës së Botës.

Politika e FIFA-s dhe Katarit për përdorimin e flamurit dhe komunitetit LGBTQ+

FIFA ka qenë nën kritika për kërcënimet se do të penalizojë skuadrat që mbajnë flamurin e ylberit, një shenjë mbështetjeje për komunitetin LGBTQ+.

Si pjesë e fushatës “OneLove”, shtatë vende kishin planifikuar ta mbanin atë në shiritat e kapitenëve të tyre; megjithatë, federatat ndryshuan mendje në minutën e fundit kur mësuan se lojtarët e tyre do të kishin marrë një karton të verdhë.

Sipas kreut të komitetit organizativ të Kupës së Botës të Katarit, skuadrat që donin të mbanin shiritin e OneLove po dërgonin një “mesazh shumë të diskutueshëm” për botën islame dhe arabe.

 

 

Taulant Xhaka konfrontohet me kapitenin e Baselit pas humbjes, Graniti shpërthen ndaj të gjithëve në Instagram

Disidenti.net

Publikohen pagat e lojtarëve të Arsenalit: Xhaka në top pesëshe. Ja sa paguhet futbollisti shqiptar

Disidenti.net

Granit Xhaka shpallet lojtari më i mirë i vitit 2022 në Zvicër

Disidenti.net
Disidenti

Kush e ‘pushtoi’ stadiumin në ndeshjen Portugali-Uruguai (VIDEO)