Në disa medie kosovare po shpërndahet një alarm për të ardhmen e Kosovës, se nëse vendi mbetet pa president, atëherë rrezikon që të ketë kryeadministrator të huaj në bazë të Rezolutës 1244.
E këtë porosi e ka përcjell edhe Naim Maloku, ish-komandanti i njohur i UÇK-së, në profilin e tij në facebook, duke shkruar:
“Nese Kosova mbetët pa President deri me 05.05.2021 në ora 10, afat që s mund të mbërrihët edhe nëse shpallen zgjedhjet e reja, atëhere KS i OKB-s në bazë të Rezolutës 1244 ,e cila ende është në fuqi, emëron Kryeadministratorin për Kosovën. Ndoshta ky është projekti i Serbisë përmes Listës Serbe dhe aleatëve shqiptar. Pytni ku të doni!”
Sipas tij, kjo do të ndodhë sepse vendi ska president dhe ushtruesit të detyrës i skadon mandati 6 mujor më 5 maj të këtij viti. Andaj në mungesë të presidentit, sovraniteti i kthehet Këshillit të Sigurimit të OKB-së. Por, ky postim i tij është kontestuar dhe ka nxitur debate edhe kundër këtij skenari.
