Disidenti
Sport

Istogu nikoqir i finales së parë të hendbollisteve

Të shtunën mbrëma zhvillohet ndeshja e parë e finales së plejofit në Superligën e Kosovës në hendboll në konkurrencë të femrave.

Nga ora 20:30 në palestrën e qytetit në Istog takohen Istogu e Ferizaj.

Pritet atmosferë e bukur sportive dhe numër i madh i shikuesve. Po ashtu pritet lojë e fortë dhe cilësore.

Istogu gjatë stinorit të rregullt i ka fituar dy përballjet me Ferizajn.

Në fakt Istogu ka fituar të gjitha 22 ndeshjet duke përfunduar në vendin e parë. Në gjysmëfinale të plejofit vashat istogase e eliminuan Vushtrrinë pas dy ndeshjeve.

Ferizaj në stinorin e rregullt kishte 18 fitore e katër humbje. Përfundoi i treti.

Në gjysmëfinale të plejofit, Ferizaj e kaloi Prishtinën pas tri ndeshjeve të forta.

Ndeshja e tretë dhe vendimtare u luajt të mërkurën në kryeqytet, ndërsa u fitua nga skuadra ferizajase me një gol dallim.

Të dy skuadrat kanë në përbërje lojtare cilësore dhe me përvojë. Andaj shpresohet që ndeshja të jetë me kualitet, e denjë për finale të plejofit.

Futbollisti i Kosovës, Florent Hadergjonaj martohet me ish të dashurën e Taulant Xhakës

Disidenti.net

Nesër finalja e madhe e Ligës së Kampionëve: Liverpool-Real Madrid, ky është çmimi i biletave në “tregun e zi”

Disidenti.net

“Holanda thotë se nuk plotësojmë kushtet për në BE?”! Edhe pse tualetet publike, tifozët e Feyenoord urinojnë sërish në ambient të hapur

Disidenti.net
Disidenti

Istogu nikoqir i finales së parë të hendbollisteve