Gazetari Baton Haxhiu thotë se nëse ish-krerët e UÇK’së dënohen si kriminelë lufte, atëherë pasojat politike do të jenë shumë të mëdha.
Haxhiu në emisionin ‘Pressing’ në T7 tha se nëse ish-krerët e UÇK’së dënohen, atëherë Rusia e Serbia do të thonë se pavarësia e Kosovës nuk ekziston pasi ish-krerët e UÇK’së janë kriminelë lufte.
Sipas tij, kjo më nuk është çështje juridike, por politike.
“A e din cka do me thënë, nëse dënohen këta njerëz të cilët e kanë pas rrugën e luftës për liri, dhe nëse këta dënohen si grup kriminal, unë jam i binjdur që politikisht pasojat janë më të mëdhaja se na që mundemi me imagjinu. Pastaj nëse këta dënohen si kriminelë lufte, mos harroni që Rusia dhe Serbia thotë këta kanë qenë kriminal lufte, nuk ka pavarësi mo. Këtu është problemi. Nuk është kjo më çështje juridike, por politike”.