Dukagjin Pupovci emërohet zëvëndësministër i Arsimit.
Njohësi i arsimit në Kosovë, Dukagjin Pupovci është emëruar zëvëndësministër i Arsimit.
Qendra e Arsimit për Kosovë (KEC) e ka konfirmuar këtë lajm.
’’Dje, më 5 prill 2021, gjatë mbledhjes së Bordit Drejtues të Qendrës për Arsim të Kosovës (KEC) është aprovuar dorëheqja e z. Dukagjin Pupovci nga pozita e drejtorit ekzekutiv të KEC, pozitë në të cilën ai shërbeu për 21 vite me radhë, duke dëshmuar profesionalizëm dhe përkushtim.
Prej sot, z. Pupovci do të vazhdoj të ofrojë kontributin e tij në avancimin e sistemit të arsimit në Kosovë, në cilësinë e zëvendësministrit në Ministrinë e Arsimit, Shkencës, Teknologjisë dhe Inovacionit”, thuhet në njoftim.
