Disidenti
Lajme

Gjukanoviq për Abazoviqin: E vetmja gjë me vlerë tek ai është se është shqiptar

0Shares

Ish-presidenti i Malit të Zi, Milo Gjukanoviq, ka thënë se kryeministri me mandat teknik i Qeverisë malaziase, Dritan Abazoviq, do të mbajë përgjegjësi për tradhti politike për nënshkrimin e Marrëveshjes Themelore me Kishën Ortodokse Serbe.

Ai ka thënë se ajo është “tradhtia më e madhe që nga viti 1918 për Malin e Zi”. Teksa, Abazoviqi në njëvjetorin e nënshkrimit ka deklaruar se është i nderuar që ka nënshkruar këtë marrëveshje.

Gjukanoviq ka përmendur mbështetjen që i kishte dhënë Abazoviqit për të marrë mandatin për kryeministër, si anëtar i një pakice të vendit. Ndërsa, ka thënë se e vetmja gjë me vlerë tek Abazoviqi është se është shqiptar.

“Le të kujtojmë se sa herë kemi dëgjuar nga përfaqësuesit e boshnjakëve dhe shqiptarëve në Parlament se ata nuk duan të sundojnë në keqkuptimet politike malaziase-serbe që kanë rrënjë të thella historike. Shumë njerëz e dinë se si i kundërshtova fuqishëm të gjithë ata që kundërshtuan faktin se ne mbështesim një shqiptar që të bëhej kreu i qeverisë”, ka thënë ai, shkroi B92.

“E kam thënë dhe e përsëris: e vetmja gjë me vlerë tek ai është se ai është shqiptar”.

“Ai nuk e sheh se është i turpëruar politikisht për të gjitha kohërat”.

Vetëm rreth pesë muaj pas emërimit, Dritan Abazoviqit i ishte lëkundur posti i kryeministrit të Malit të Zi, për shkak të nënshkrimit në fshehtësi të marrëveshjes me Kishën Ortodokse Serbe, e cila i jep asaj të drejta ekskluzive në vend, duke përfshirë eksterritorialitetin.

Më 20 gusht 2022, ishte votuar mocioni i mosbesimit të Qeverisë të drejtuar nga Abazoviqi. Mocioni ishte iniciuar nga partia Gjukanoviqit, DPS, pikërisht për shkak nënshkrimit të marrëveshjes.

I arrestuar për kanosje ndaj kryeministrit Kurti, rapsodi i njohur publikon këngë në përkrahje të Faton Hajrizit

Disidenti.net

Arrestohet kreu shqiptar i grupit kriminal “Dreshaj” në Mal të Zi

Disidenti.net

“S’mundesh në çdo përgjigje ta mashtrosh opinionin”/ Hoti akuzon Muratin se po mashtron qytetarët me shifra

Disidenti.net