Disidenti
Lajme

Gërvalla: Në mëngjes fola me Martin Berishajn, ambasadori nuk shkarkohet për shkak të fjalëve

Ministrja e Punëve të Jashtme, Donika Gërvalla, në konferencën e përbashkët për shtyp me kryedilplomaten sllovene, Tanja Fajon u pyet sërish për ambasadorin e Kosovës në Kroaci, Martin Berishaj, i cili u implikua në një skandal të madh financiar për të cilin raportuan mediat në Slloveni dhe Kroaci.

Gërvalla tha se vazhdon të kërkojë informacione zyrtare nga disa shtete mbi këto dyshime, ndërsa konfirmoi edhe një herë se shkarkimi i ambasadorit nuk është duke u konsideruar, raporton Gazeta Express.

“Ambasadori nuk shkarkohet për shkak të spekulimeve të fjalëve. Ambasadori shkarkohet në momentin kur ka arsye faktike se pse ambasadori duhet të shkarkohet. Deri në këtë moment nuk kam asnjë informacion të vetëm që shkelje të tilla kanë ndodhur”, tha Gërvalla.

Kryediplomatja tha se sot në mëngjes ka folur me ambasadorin Berishaj, duke treguar se ai ka kërkuar që ta mbajnë një konferencë të përbashkët për media për t’iu përgjigjur pyetjeve.

“Sot në mëngjes kam folur me ambasadorin Berishaj dhe ai ka treguar gatishmërinë që ose me shkrim, ose ndoshta, po të kemi mundësi ta sjellim, ta kemi një konferencë të përbashkët për shtyp edhe aty të përgjigjet”, tha Gërvalla.

“Urime Zajednica”, shpërthejnë të qeshurat pas reagimit të Konjufcës

Disidenti.net

“Ti je mashtrues, i pa guximshëm” – Agim Veliu i kundërpërgjigjet Kurtit

Disidenti.net

Kurti për Abdixhikun e Hotin: I njoh mirë, të dy bashkë s’bëjnë sa çereku i Bislimit dhe Muratit

Disidenti.net
Disidenti

Gërvalla: Në mëngjes fola me Martin Berishajn, ambasadori nuk shkarkohet për shkak të fjalëve