Një familje nga Vitia, me qëndrim në Zvicër, në Kantonin e Gjenevës, dëshiron të ndërtojë një shtëpi për një familje nevojtare në Kosovë. Por, familja në fjalë nuk dëshiron t`i dalë emri në media. Ajo konsideron se bamirësia është çështje e shpirtit, prandaj kundërshton marketingun me bamirësinë, gjegjësisht me fatin e keq të atyre që ndihmohen.
Pjesëtarët e kësaj familjeje kanë humbur kohë më parë babanë, të sëmurë nga kanceri, prandaj dëshirojnë që këtë bamirësi ta bëjnë edhe për shpirtin e tij.
Për këtë arsye, familja shqiptare nga Gjeneva nëpërmjet plafromës albinfo.ch dëshiron të publikojë numrin e telefonit, përmes të cilit mund të paraqiten rastet në nevojë. Ajo pastaj, përmes kanaleve të saj, do të verifikojë dhe do të përzgjedhë familjen, të cilës do t`ia ndërtojë shtëpinë.
Numri i telefonit: +41787762561