Disidenti
Lajme

Eurodeputetja gjermane: E ndaj frustrimin me qytetarët e Kosovës, BE-ja të liberalizojë vizat që ka premtuar

Raportuesja për Kosovën në Parlamentin Evropian, Viola Von Cramon tha sot në këtë institucion se Këshilli i Bashkimit Evropian duhet që të liberalizojë vizat për Kosovën sa më shpejt që është e mundur.

Në debatin për raportin e progresit për Kosovën, Shqipërinë,Serbinë dhe Maqedoninë e Veriut, eurodeputetja Viola Von Cramon tha se pavarësisht se qytetarët e Kosovës e favorizojnë BE-në jashtëzakonisht shumë ky fakt nuk duhet të merret si i mirëqenë përgjithmonë nëse Bashkimi Evropian nuk përmbushë detyrimet, prandaj është koha e fundit që Këshilli i BE-së të liberalizojë vizat për Kosovën.

“Njerëzit në Kosovë më impresionojnë me dëshirën e tyre për të qenë pjesë e Bashkimit Evropian në fakt asnjë shtet në rajon nuk shfaq qëndrim më të fortë për BE-në sesa Kosova por ky fakt nuk mund të merret përgjithmonë si i mirëqenë nëse nuk përmbushim detyrimet tona, ne humbim kredibilitetin tonë dhe besimin, është koha e fundit që Këshilli i BE-së për të dhënë premtimin e tij për liberalizimin e vizave për Kosovën, unë ndaj frustrimin e qytetarëve të Kosovës, unë do të dëshiroja që Parlamenti Evropian do të mund të vendoste për këtë çështje”, tha Cramon.

Eurodeputetja që vjen nga të Gjelbërit e Gjermanisë shprehu shqetësimin për mosfurnizim të Kosovës me vaksina anti-covid.

“Një tjetër çështje është mosfurnizimi i Kosovës me vaksinat COVID-19, kapaciteti i prodhimit në BE po rritet dhe kjo duhet të shfrytëzohet që të furnizohet edhe Kosova sa më parë që është e mudnur BE-ja duhet të përkrahë vaksinimin e shpejt të personelit mjekësor dhe grupeve tjera më të ndieshme”, tha ajo.

Mes tjerash ajo përmendi edhe nevojë për zgjedhjen e presidenti të ri, kurse sa i përket dialogut Kosova nuk duhet ta braktisë atë por ta vazhdojë.

“Kuvendi i ri duhet të gjejë gjuhën e përbashkët dhe të zgjedhë presidentin e ri. Sa i përket dialogut Kosovë-Serbi, qeveria e re të vazhdojë dialogu, pavarësisht vështirësive Kosova duhet që të punojë me BE-në rreth dialogut dhe mos ta braktisë atë.Njohja reciproke mes Kosovës dhe Serbisë është parakusht që dy vendet të anëtarsohen në Bashkimin Evropian”, tha europarlamentarja Von Cramon.

“Nuk ka komb kosovar”, “Ti je majmun” – përplasje e ashpër mes Nexhmedin Spahit dhe hoxhës Bekim Jashari

Disidenti.net

Haki Abazi i prerë: Jap dorëheqje nëse ndodh kjo

Disidenti.net

As sapunë e as çarçafë në disa klinika të QKUK-së

Disidenti.net
Disidenti

Eurodeputetja gjermane: E ndaj frustrimin me qytetarët e Kosovës, BE-ja të liberalizojë vizat që ka premtuar