Disidenti
Lajme

Ekskluzive: Komisioni i Venecias i jep dritë jeshile Vetingut dhe konfiskimit të pasurisë së pajustifikueshme

0Shares

Komisioni Evropian për Demokraci, përmes Ligjit, i njohur ndryshe si Komisioni i Venecias, ka mbështetur draft-dokumentin për vetingun të përpiluar nga Ministria e Drejtësisë dhe projektligjin për konfiskimin e pasurisë së pajustifikueshme.

Burime brenda Ministrisë së Drejtësisë kanë thënë se sot pasdite të gjithë anëtarët e Komisionit të Venecias me opinionet e tyre i hapin rrugë dërgimit të Ligjit të vetingun për votim në Parlamentin e Kosovës me ndryshime kushtetuese.

Gazeta merr vesh që Komisioni i Venecias ka lejuar ndryshimet kushtetuese per Këshillin Prokurorial të Kosovës, Këshillin Gjyqësor të Kosovës, Kryeprokurorin e Prokurorise Speciale dhe Kryeprokuroret e Prokurorive Themelore dhe kryetaret e të gjitha niveleve te Gjykatave në Kosovë.

Gjithashtu edhe projektligji për konfiskimin e pasurisë së pajustifikueshme në përgjithësi është mbështetur nga Komisioni i Venecias mirëpo kanë ky komision ka dhën disa propozime për disa nene të këtij projektligji.

Më tre nëntor të vitit të kaluar , Ministrja e Drejtësisë së Kosovës, Albulena Haxhiu, kishte njoftuar se koncept-dokumenti për Vettingun është dërguar në komisionin e Venecias për të marrë mendim.

Ky koncept dokument i cili me ndryshime kushtetuese pritet të shëndrrohet në ligj parasheh reforma te thella në drejtësi gjë për të cilin ishte zotuar qeveria Kurti qysh në mandatin e parë.
Procesit të vettingut pritet t’i nënshtrohen të gjith prokurorët dhe gjykatësit të cilët punojnë në systemin e drejtësisë në Kosovë përvec gjyqtarëve të Gjykatës Kushtetuese.

Koncept dokumenti për Vettingun ka paraparë që pozitat e lira pas shkarkimit të gjyqtarëve dhe prokurorëve që nuk kanë kaluar Vettingun do të hapet konkurs për emërimin e gjyqtarëve dhe prokurorëve të rinj.

Gjyqtari ose prokurori ka të drejtë që ndaj vendimit për shkarkim të paraqesë ankesë brenda 15 dite në Gjykatën Supreme, e cila lidhur me këtë ankesë duhet të vendosë brenda 30 ditësh.

Koncept dokumenti i Vettingut parasheh se nga momenti i propozimit për shkarkim e deri te shkarkimi përfundimtar i gjyqtarit ose prokurorit, koha e mbylljes se procedurës duhet të përfundojë brenda 75 ditësh.

Kurti pret që BE-ja t’i largojë masat ndaj Kosovës: Nuk kanë qenë të drejta asnjëherë, tash janë bërë edhe absurde

Disidenti.net

Dështon ekzekutimi i pagave për zyrtarët publikë – mjekët, mësimdhënësit, policët, zjarrfikësit, mbesin pa rroga

Disidenti.net

Aksion i Antidrogës në Pejë: Sekuestrohet mbi një ton drogë në vlerë të rreth 5 milionë euro

Disidenti.net