Disidenti
Kuriozitete

E bleu vazon 35 dollarë, pritet ta shesë për gjysmë milioni

Një vazo e vogël me lule, bardhë dhe kaltër, e blerë në Connecticut për vetëm 35 dollarë është identifikuar si një artefakt antik kinez jashtëzakonisht i rrallë i shekullit XV.

Vazoja e cila përmban motive me zambak dhe shegë u porosit fillimisht nga gjykata perandorake e Kinës gjatë dinastisë Ming.

Kjo vazo, tash pritet të shitet deri në 500.000 dollarë, sipas shtëpisë së ankandit Sotheby’s në New-York, ku do të zhvillohet ankandi muajin tjetër. Kompania Sotheby’s nuk zbuloi identitetin e pronarit, por tha se ai e ka blerë për vetëm 35 dollarë.

Objekti i rrallë e ka origjinën nga Perandori Yongle, i cili drejtoi vendin nga viti 1403 deri më 1424, një periudhë e njohur për teknikat e famshme të porcelanit.

Vetëm gjashtë artefakte të tjera të ngjashme dihet se kanë mbijetuar nga ajo periudhë, sipas Sotheby’s. Ato janë vendosur në institucione si Muzeu i Pallatit Kombëtar në Taipei, si dhe Muzeu Britanik dhe Muzeu Victoria & Albert në Londër.

Studimi i ri: Ujku ka qenë miku më i mirë i njeriut

Disidenti.net

A e dini pse dyert në banjot publike nuk arrijnë në dysheme?

Disidenti.net

“Shtëpia më e vetmuar” në botë që ndodhet në një ishull të braktisur, po shitet për 340 mijë dollarë

Disidenti.net
Disidenti

E bleu vazon 35 dollarë, pritet ta shesë për gjysmë milioni