Dukagjini i Klinës ka bërë një hap të madh në Kupën e Kosovës. Skuadra e Armend Dallkut siguroi biletën në gjysmëfinale, pasi eliminoi Drenicën duke e mposhtur 1-0.
Jeton Dushi realizoi golin e vetëm në minutën e 76-të.
Kjo është hera e parë pas më shumë se dy dekadash që Dukagjini arrinë në gjysmëfinale të Kupës.
Për herë të fundit, në vitin 1996 ekipi nga Klina ishte mposhtur në finale nga Flamurtari i Prishtinës.
