Deputeti i Lëvizjes Vetëvendosje, Agon Batusha ka reaguar pas paralajmërimeve të deklaratave të opozitës se Kuvendi do ta rrëzojë Qeverinë.
Batusha përmes një shkrimi në llogarinë e tij në Facebook, ka thënë se koalicioni “PLAS”, po dëshiron rrëzimin e qeverisë.
“I vetmi koalicion aktual është PLAS (PDK, LDK, AAK dhe LS) për rrëzimin e qeverisë legjitime të zgjedhur nga populli në mënyrë demokratike. Dëshirë kanë, ndoshta edhe ëndërr, por janë largë të bërit realitet”, ka thënë ai.
Postimi i plotë:
Qeveria e Lëvizjes VETËVENDOSJE! dhe e kryeministrit Albin Kurti, është e vetmja qeveri që është formuar pa votat e Listës serbe, pa koalicion me ta dhe nuk varemi asesi dhe asnjëherë nga ata. Kjo ka bërë që Qeveria të jetë më stabile, e pa shantazhueshme nga kërcënimet e Beogradit. Në anën tjetër mos përfshirja në koalicion apo marrëveshje ka bërë që LS të humb fuqinë politike që ka pasur brenda institucioneve të Republikës.
I vetmi koalicion aktual është PLAS (PDK, LDK, AAK dhe LS) për rrëzimin e qeverisë legjitime të zgjedhur nga populli në mënyrë demokratike. Dëshirë kanë, ndoshta edhe ëndërr, por janë largë të bërit realitet.
