Një burrë është arrestuar dje në fshatin Prigodë të Istogut, pasi dyshohet se ka ushtruar dhunë fizike ndaj bashkëshortes së tij, raporton Gazeta Sinjali.
Siç mëson Sinjali rastin e ka raportuar në Polici viktima e cila ka deklaruar se është sulmuar nga burri i saj. Me të marrë informacionin, një patrullë policore ka dalë në vend të ngjarjes, ku më pas viktima është dërguar në Qendrën e Mjekësisë Familjare për tretman mjekësor dhe më pas është intervistuar.
Pas intervistimit të palëve, prokurori kujdestar ka urdhëruar që të dyshuarit t’i caktohet masa e ndalimit për 48 orë.