Gati me dy orë vonesë ka filluar seanca e jashtëzakonshme me pikën e vetme të rendit të ditës, zgjedhjen e presidentit të ri të Kosovës.
Kryeparlamentari Glauk Konjufca, ka bërë të ditur se në sallë janë të pranishëm 82 deputetë, që nënkupton se është bërë kuorumi për zgjedhjen e presidentit, shkruan Reporteri.net.
Për zgjedhjen e presidentit nevojiten 80 deputetë në Kuvend për ta bërë kuorumin, e pastaj mund të zgjidhet edhe me shumicën e thjeshtë të votave prej 61 sosh.
Dy kandidatët për president vijnë nga ‘Lista Guxo’ dhe janë Vjosa Osmani dhe Nasuf Bejta.
Për zgjedhjen e presidentit, në dy votimet e para nevojiten dy të tretat e votave e që i bie 80 vota të deputetëve.
Ndërkaq, në raundin e tretë, president zgjidhet ai që merr shumicën e thjeshtë prej 61 deputetësh, por në të tri votimet duhet të marrin pjesë të paktën 80 deputetë.
Nëse edhe raundi i tretë dështon, vendi shkon në zgjedhje të jashtëzakonshme të cilat duhet të mbahen brenda 45 ditësh.
