Disidenti
Lajme

Arrestohet Afrim Tovërlani, dyshohet se i dehur kanosi me thikë Shpend Ahmetin

0Shares

Policia e Kosovës ka njoftuar se një person në gjendje të dehur e ka kanosur me thikë një person tjetër në Graçanicë, me ç’rast me vendim të prokurorit i njëjti është dërguar në mbajtje, shkruan Gazeta Express.

Sipas policisë, rasti ka ndodhur dje në orën 17:50.

“Graçanicë, 25.10.2021-17:50. Është arrestuar i dyshuari mashkull kosovar i cili ka qenë nën ndikim të alkoolit dhe gjatë kontrollit tek i dyshuari është gjetur dhe konfiskuar një armë e ftohtë-thikë. Me vendim të prokurorit i dyshuari është dërguar në mbajtje”, thuhet në njoftimin 24 orësh të Policisë së Kosovës.

Ndërkohë, sipas Klan Kosovës, mbrëmë është arrestuar trajneri i futbollit Afrim Tovërlani pasi i njëjti dyshohet se me thikë e ka kanosur kryetarin e Prishtinës Shpend Ahmeti në shtëpinë e tij. Pra, sipas këtij mediumi ky raport i policisë ndërlidhet pikërisht me këtë rast.

“Më 25.10.2021 rreth orës 17:50 Policia ka marrë informacionin se është raportuar një rast i kërcënimit në lagjen Nic në Çagllavicë, saktësisht në shtëpinë e kryetarit të komunës Shpend Ahmeti. Patrulla kur ka shkuar në vendngjarje i ka takuar katër burra të cilat janë bashkëpunëtorë të Shpend Ahmetit dhe trajnerin Afrim Tovërlani”, thonë burimet e Klan Kosovës.

Ndërkohë Express ka provuar që të kontaktojë me kryetarin e Prishtinës, Shpend Ahmeti, por i njëjti nuk ka qenë i qasshëm.

Më shumë detaje lidhur me këtë rast nuk kanë dhënë as nga Policia e Kosovës. /Express/

Kurti pret që BE-ja t’i largojë masat ndaj Kosovës: Nuk kanë qenë të drejta asnjëherë, tash janë bërë edhe absurde

Disidenti.net

Dështon ekzekutimi i pagave për zyrtarët publikë – mjekët, mësimdhënësit, policët, zjarrfikësit, mbesin pa rroga

Disidenti.net

Aksion i Antidrogës në Pejë: Sekuestrohet mbi një ton drogë në vlerë të rreth 5 milionë euro

Disidenti.net