Disidenti
Lajme

Afera e Ambasadorit Berishaj/ Haradinaj ka disa pyetje për Vjosa Osmanin dhe Albin Kurtin

Kryetari i Aleancës për Ardhmërinë e Kosovës, Ramush Haradinaj ka ngritur një serë pyetjesh në drejtim të presidentes së vendit, Vjosa Osmani dhe kryeministrit Albin Kurti.

Haradinaj ndër të tjera ka shkruar se presidentja të sqarojë se me çfarë motivacioni i ka dhënë shtetësinë ambasadorit Martin Berishaj, me procedura të përshpejtuara.

“Përderisa Kryeministri Kurti e kishte cilësuar kompaninë GEN si kompani mafioze të nivelit ballkanik, dhe duke pasur parasysh se pronari i saj, sipas tij, është nip i Jovica Stanishiqit, shefit famkeq të sigurimit serb, cila është kundërvlera e blerjes së energjisë pikërisht nga kjo kompani, sapo erdhi në pushtet”, ka shkruar ndër të tjera Haradinaj, transmeton Indeksonline.

Postimi i plotë i Haradinajt:

Ku janë kufijtë moral të Kryeministrit dhe Presidentes?!

1. Presidentja të sqarojë se me çfarë motivacioni i ka dhënë shtetësinë Ambasadorit Martin Berishaj, me procedura të përshpejtuara? A i ka lënë kohë të mjaftueshme AKI-së për të verifikuar aktivitetin e ambasadorit?

2. Përderisa Kryeministri Kurti e kishte cilësuar kompaninë GEN si kompani mafioze të nivelit ballkanik, dhe duke pasur parasysh se pronari i saj, sipas tij, është nip i Jovica Stanishiqit, shefit famkeq të sigurimit serb, cila është kundërvlera e blerjes së energjisë pikërisht nga kjo kompani, sapo erdhi në pushtet?

3. A janë në dijeni Presidentja dhe Kryeministri se Ambasadori i tyre, nuk e ka deklaruar në formularin e pasurisë kompaninë e tij në Mal të Zi, tanimë e famshme për transakcionin me kompaninë, sipas Kurtit të nipit të Stanishiqit?

4. A është pikërisht frika se po zbulohet ky skandal, shkak se përse Vetëvendosje e ka bllokuar formimin e komisionit hetimor parlamentar për blerjen e energjisë?

5. A po pengohen organet e rendit dhe drejtësisë të veprojnë sipas ligjit në këtë skandal?

Ku janë kufijtë moral të Kryeministrit dhe Presidentes. Nëse jemi në pritje të një epilogu eventual të organeve të drejtësisë, pyetja ime është a kanë kufij moral këta?

Qeriqi përlotet nga statusi i Muratit: Ende vuaj nga dhimtë e plagëve, kur ky flinte, unë isha në Pashtrik

Disidenti.net

Osmani: Lajçak s’është president i Kosovës – S’ka Asociacion, OJQ mund të ketë

Disidenti.net

Shkëlzen Gashi e imiton dhe ia përmend shampanjën Çollakut: Keni vjedhë sa keni mujtë

Disidenti.net
Disidenti

Afera e Ambasadorit Berishaj/ Haradinaj ka disa pyetje për Vjosa Osmanin dhe Albin Kurtin