Një përplasje e dhunshme fizike është shënuar në orët e mbrëmjes në ambientet e numërimit të votave në shkollën 1 Maji në Tiranë.
Konflikti midis palëve në këtë KZAZ, ka qenë i dhunshëm dhe është zhvilluar në sy të kandidates për deputetë të Partisë Demokratike, Oriola Pampuri.
Sherri fillimisht ka nisur në formën debatit, por më pas janë goditur me njëri-tjetrin me grushta, shkelma dhe më pas kanë përdorur dhe karriget.
Brenda kësaj KZAZ, ka qenë edhe policia por që e ka pasur të pamundur të ndalojë konfliktin.
Ndërkohë që dhuna ka vazhduar edhe jashtë ambienteve të shkollës 1 Maji.
Policia ka shoqëruar 5 persona, ku njëri prej tyre ka goditur edhe makinën e policisë.