Të shtëna me armë janë regjistruar mbremjne djeshme në Drimadhes.
Sipas policisë një person që është shpallur ne kërkim, gjatë një konflikti të çastit, ka qëlluar në ajër me armë (sportive) pistoletë dhe është konfliktuar fizikisht me shtetasit D. D. dhe O. T.
Burimet e policisë Vlorë raportojnë se rreth ores 20:00 një person në gjendje të dehur ka nisur të konfliktohet me kamarierin e lokalit.
Personi në fjalë largohet dhe kthehet me nje arme zjarri dhe ua drejton kamariereve dhe pushuesve dhe më pas hap zjarr në ajër.
Njoftimi i plotë i policisë: Vlorë
Nga specialistët për Hetimin e Krimeve në Komisariatin e Policisë Himarë u bë shpallja në kërkim e shtetasit H. F., 28 vjeç, pasi dyshohet se mbrëmjen e djeshme, në Drimadhes, gjatë një konflikti të çastit, ka qëlluar në ajër me armë (sportive) pistoletë dhe është konfliktuar fizikisht me shtetasit D. D. dhe O. T.
Materialet i kaluan Prokurorisë, për veprime të mëtejshme procedurale.