Kroacia e mposhti favoritin kryesor Brazilin në penallti, për t’u kualifikuar në gjysmëfinale të Botërorit në Katar. Ballkanasit befasuan shumë kë me këtë triumf, ndërsa trajneri i Prishtinës, Ismet Munishi, dje në një analizë se kush mund ta fitojë këtë ndeshje dështoi keq, duke thënë se Brazili do të bëjë stërvitje me Kroacinë.
Si pjesë e përhershme e emisionit Dueli Botëror në RTV Dukagjini, Munishi ashtu si për çdo ndeshje edhe për këtë u prononcua për fituesin që do të dalë nga çerekfinalja e parë, por kësaj radhe dështoi keq.
“Pasha zotin profe, si unë nesër që kam me bo stërvitje, qashtu edhe këta kanë me bo me Kroacinë stërvitje, po për sy të ballit, 0:3”,dëgjohet duke thënë Munishi.
Kroacia kaloi në gjysmëfinale pas penalltive dhe tani do ta presë fituesin nga ndeshja tjetër që zhvillohet sonte ndërmjet Argjentinës e Holandës.