Analisti dhe publicisti Shkëlzen Gashi, ka reaguar pasi në Kuvendin e Kosovës të enjten pati përleshje fizike mes pushtetarëve të LVV-së dhe opozitarëve të PDK-së.
Së pari, Mërgim Lushtaku i PDK-së e spërkati me ujë kryeministrin Kurti, teksa ishte duke folur në foltore.
Por, aty ndërhyri ministri i Financave, Hekuran Murati dhe zëvendëskryeministri Besnik Bislimi, për çka agravoi situatën që u përcjell më pas me grushte e tensione.
E Gashi, reagoi shkurtimisht në një postim në rrjetin e tij social Facebook.
Gashi, që dikur ishte këshilltar i Kurti, tha se “nëse e kisha uzurpuar një ndërtesë publike në shesh dhe e kisha lëshu me qira, e mandej qeveria e kish largu ndërmarrjen që e kam uruzpu, normalisht që kishta tentu me sulmu” Kurtin.
“nëse e kisha uzurpu një ndërtesë publike në shesh dhe atë ndërtesë ia kisha lëshu me qira të majme një ndërmarrjeje publike, e mandej qeveria e re e kosovës e kish largu ndërmarrjen publike prej ndërtesës që e kam uzurpu, normal që kisha tentu me e sulmu fizikisht kryeministrin”, tha ai.