Ish-gjenerali i UÇK-së, Sami Lushtaku, tani nënkryetar i Skënderajt, duke komentuar mesazhet që datojnë jo shumë moti të tani ministër në Qeverinë e Republikës së Kosovës, Hekuran Murati, thotë se kjo që po ndodhë me veteranët e UÇK-së, është e turpshme.
Në një prononcim për Periskopin, Lushtaku e llogaritë gjithë këtë diskurs si fushatë kundër UÇK-së dhe thotë se i ka rrënjët e thella.
“Kjo fushatë kundër UÇK-së ka nisur bajagi herët, nga Serbia e shërbimet ruse, dhe Vetvendosja. Domethënë janë tre mekanizma që në vazhdimësi e kanë luftu UÇK’në. Edhe VV’ja sikur këto shërbimet serbe domethënë të njëjtin rregull e ka ndjekë”, tha Lushtaku
“Prandaj nuk është befasi prej Hekuran Muratit dhe prej Albin Kurtit, i pres edhe prej një pjese të VV’së këto goditje dhe unë mendoj që Kosova është çliruar prej Ushtrisë Çlirimtare të Kosovës dhe asnjë ushtar i UÇK’së nuk e ka besuar që ka me pshtu prej lufte, kurrë, ama kurrë, ai që e ka kapë pushkën po edhe një pjesë e qytetarëve që e kanë nimu luftën nuk e kanë besu që ne kemi mi pritë edhe pavarësinë e edhe institucionet tona”, tha Lushtaku duke vazhduar tutje:
Prandaj kjo është e turpshme këto mesazhet e këtij djaloshit Hekuran Muratit. Kjo që po ndodhë me veteranët është për mjerim. Këta po akuzojnë qeveritë e kalume, po hajde tash kjo qeveri që ka ardhur le ta bën një hap minimum për këtë kategori të ndjeshme, një pjesë e tyne po vdesin për çdo ditë, është për me të ardhë keq”, tha Lushtaku