Roman Abramovich, është në garë për të blerë Valencia-n, pasi i bëri një ofertë pronarit të klubit spanjoll, Peter Lim.
Klubi i La Liga është në vështirësi financiare pasi ka njoftuar humbje prej 31.2 milionë euro në nëntor për vitin e kaluar financiar. Ata kanë parashikuar gjithashtu humbje prej 36 milionë euro për këtë sezon, çka mund të detyrojë drejtuesit që t’i lejnë dikujt tjetër “çelësat” e klubit.
Manjati rus ka premtuar se ekipi brenda disa vitesh do mund të rivalizojë Real Madrid dhe Barcelonën, ekipe që historikisht kanë udhëhequr futbollin spanjoll.
Këtë e ka bërë të ditur ish-zëvendëspresidenti i Valencias, Miguel Sorio.
“Peter Lim në Londër u përpoq ta shiste klubin për 250 milionë euro, por ai dështoi. Së fundmi, ai i tregoi mediave se për Valencian në garë janë Roman Abramovich dhe unë” – tha ai.