Kryesindikalisti Rrahman Jasharaj, ishte cak i shumë sulmeve nëpër rrjete sociale këto ditë, kryesisht nga eksponentë të Lëvizjes Vetëvendosje.
Familja e tij, janë të shqetësuar për sigurinë e tij, pas reagimeve lidhur me grevën e shpallur më 25 gusht.
“Po tutna mos po i thojnë kujt mbyte, hiqne qafe”, ka thënë Zenije Jasharaj-Rugova, motra e Rrahman Jasharajt.
Frika e familjes, u shtua edhe më shumë pas sulmit ndaj Jasharajt, në një shkollë të Prishtinës.
Ndërkaq, vëllai i tij, thotë se ky sulm ishte i porositur nga politikanët.
Zenije Jasharaj – Rugova, mes tjerash e porositi vëllanë e saj, Rrahmanin, që të kujdesët për vetën.
Vlen të theksohet, se ende nuk është arritur një marrëveshje mes sindikalistëve dhe qeveritarëve, ndërsa një takim i radhës, pritet që të mbahet nesër.