Pamje tronditëse janë publikuar nga tragjedia në Izrael, ku 44 persona humbën jetën në një festival fetar, ndërsa rreth 150 u plagosën.
Kryeministri izraelit Benjamin Netanyahu u shpreh se ishte një tragjedi e madhe. Aksidenti ndodhi kur grupe hebrenjsh ultra-ortodoksë në një numër të madh kaluan nëpër varrin e një të “plaku të urtë” të shekullit të II-të, Rabbi Shimson Bar Jochaj, gjatë përkujtimeve që përfshinin vigjilenca, këngë mistike dhe vallëzim.
Dëshmitarët okularë thonë se njerëzit u mbytën ose u shkelën në pasazhe të ngushta. Helikopterët transportuan të plagosurit në një spital në veri të Izraelit.
Zyrtarët e urgjencës e përshkruan incidentin si një “shkelje” dhe thanë se më shumë se 100 njerëz u plagosën, shumë prej tyre me lëndime fatale.
Varri i malit Meron konsiderohet si një nga vendet më të shenjta në botën hebraike dhe vizitohet nga shumë besimtarë çdo vit. Kjo u konsiderua si një nga tubimet më të mëdha publike në Izrael që nga fillimi i pandemisë së koronavirusit.