Pas sulmit të Rusisë në Ukrainë, Aleanca Veriatlantike tashmë është duke u përgatitur për një përgjigje adekuate ndaj Rusisë.
Pas takimit urgjent të ambasadorëve të NATO-s, Sekretari i Përgjithshëm i NATO-s., Jens Stoltenberg ka mbajtur një konferencë për media në Bruksel ku ka thënë se më shumë se 100 aeroplanë janë vënë në gatishmëri luftarake.
“Tashmë janë marrë masa të kujdesshme për përgatitjen e përgjigjes së NATO-s, do të kemi një prani shtesë të trupave në pjesën lindore të Aleancës në ditët në vijim, është aktivizuar mekanizmi mbrojtës i NATO-s, i cili na jep më shumë liri për të lëvizur trupat dhe për t’i dërguar ato ku nevojiten”, ka deklaruara Stoltenberg për gazetarë në Bruksel./Paparaci