Deputetët e Kongresit të shtetit të New Yorkut, kanë miratuar ligjin me të cilin legalizon përdorimin e marihuanës tek të rriturit, duke u bërë kështu New Yorku shteti i 15-të amerikan që ka legalizuar këtë lloj të drogës për qëllime rekreative.

Guvernatori i New Yorkut, Andrew Cuomo, ka thënë se me padurim po pret që ta nënshkruaj këtë ligj.

“New Yorku përgjatë historisë ka qenë qytetit kryesor progresiv i këtij shteti, e ky ligj i rëndësishëm do të vazhdojë këtë rrugë”, ka shtuar Cuomo.

Vendimin e ka përshëndetur edhe një grup që mbështet legalizimin e marihuanës NORML, që ka njoftuar se çdo vit mijëra qytetarët të New Yorkut arrestohen për shkak të shkeljeve të lehta lidhur me këtë drogë.

Administrata e guvernatorit demokrat, Andrew Cumo, kohë më parë pati vlerësuar se legalizimi i marihuanës në këtë shtet, do të mund t’i sillte këtij vendi rreth 350 milionë dollarë në vit.

Ligji mundëson shitjen rekreative të marihuanës për personat mbi 21 vjet, dhe për këtë pritet të pajisen me leje për porosi e prodhim nga blerësit.