Kryeministri i Republikës së Kosovës, Albin Kurti, bashkë me Ministrin e Administrimit të Pushtetit Lokal, Elbert Krasniqi, kanë pritur në takim Ministrin e Bashkëpunimit Regjional të Izraelit, Esawi Frej.
Sipas njoftimit të Kryeministrisë së Kosovës, temë kryesore e diskutimit në këtë takim ishin marrdhëniet në mes të vendeve dhe bashkëpunimi në sektorin e ekonomisë.
Në takim u rikonfirmua gatishmëria e të dy shteteve për të zgjeruar e thelluar bashkëpunimin, si dhe u bisedua për mundësitë konkrete. Ministri Frej shprehu vullnetin për thellim të bashkëpunimit në aspekt ekonomik dhe rritje të shkëmbimeve tregtare. Ai shprehu interesimin e investitorëve izraelitë për investime në Kosovë.
Kjo ishte vizita e parë e ministrit izraelit në Kosovë.