Pixabay – Aksident – Alexas_Fotos
Erdhi nga diaspora për pushime, humb jetën në një aksident
Erdhi për pushime te familja e tij, por nga një aksident i ndodhur në Kçiq, mërgimtari humbi jetën nga plagët e marra, transmeton albinfo.ch.
Zëdhënësi i Policisë, Avni Zahti, e ka konfirmuar se një 66-vjeçar ka vdekur në spital nga plagët e marra.
“Një aksident trafiku me fatalitet ka ndodhur në orën 13:20, në rrugën nacionale Mitrovicë-Prishtinë, segmenti rrugor Kçiq, ku të përfshira ishin dy vetura civile, ku si pasojë e aksidentit dhe lëndimeve të pësuara më pas në QKUK ka vdekur viktima, Sh. N., 66-vjeçar”, ka thënë Zahiti.
Viktima është Sh.N. nga Prekazi, i cili jetonte në Perëndim. Ndërkohë, Policia thonë se hetuesit e njësisë së trafikut rajonal, nën udhëheqjen e prokurorit të rastit, janë duke zhvilluar hetime për të sqaruar të gjitha rrethanat që kanë të bëjnë me aksidentin fatal. /Albinfo.ch
[the_ad id='11273']