Ish-kryetarit të Skenderajt, Sami Lushtaku i është pamundësuar kandidimi për kryetar të Skenderajt.
Kjo për shkak se Gjykata Supreme e Kosovës ia ka vërtetuar dënimin për arratisjen nga “Burgu i Dubravës” ish-nënkryetarit të PDK-së.
Në anën tjetër, edhe PZAP e ka hedhur poshtë ankesën e tij.
Lushtaku ka bërë me dije se ka bërë një ankesë edhe në Gjykatën Supreme.
Ndërsa, ai ka thënë se pushteti i kryeministrit Albin Kurti është i njëjtë si ai i Millosheviqit.
“Unë kam bërë ankesë në Gjykatën Supreme. Me thënë të drejtën më së paku pres drejtësi në këtë vend. Qëllimi është me penalziu PDK-në, sepse mua s’kanë çka me më ba. Edhe Serbia më ka dënuar më 20 vite, ky është pushtet i njëjtë si i Millosheviqit si i Albin Kurtit”, ka thënë Lushtaku për indeksonline.
Kujtojmë se PDK e ka zëvendësuar Lushtakun me deputetin Fadil Nura për kryetar të Skenderajt, i cili më herët ka qenë nënkryetar i kësaj komune.
[the_ad id='11273']