Sipas profesorit të filozofisë politike, Blerim Latifi, protesta e veteranëve të Ushtrisë Çlirimtare të Kosovës, nuk është protestë, por aksion politik i opozitës, i zhvilluar sipas metodave të dikurshme të Albin Kurtit.
“Protesto jashtë Kuvendit dhe blloko punën e Kuvendit nga brenda”, ka shkuar Latifi në rrjetin e tij social në Facebook.
Sipas tij, një gjë e tillë është një ofendim i dyfishtë për veteranët, ngase ata përveç se janë ofenduar nga Qeveria me Projektligjin për pagën minimale, janë fyer edhe nga opozita, e cila hapur po bën lojën e përdorimit të veteranëve për qëllimin e saj të ardhjes në pushtet.
“Një veteran që proteston jashtë Kuvendit për pagën minimale ( të cilën duhet ta ketë patjetër), nuk do të lejonte që zëri i tij të përfaqësohej brenda në Kuvend nga profiterët milionerë të luftës e pasluftës”, ka shtuar ai.