Kreu i Lëvizjes Vetëvendosje, Albin Kurti, ka thënë se Qeveria e re nuk do të ketë më pak se 5 ministre, raporton EO.
“Ne për asnjë gjë nuk do të jemi më poshtë se që kemi qenë. Ju e keni parasysh se në Qeverinë e mirë të pranverës 2020-të sa i kemi pasur. Më pak se 5 nuk do t’i kemi, do të shikojmë se çka do të bëjmë edhe më shumë”, tha Kurti.
Ai shtoi se nga 58 deputetë sa ka VV-ja, asnjë grua nuk ka pasur nevojë për kuotën gjinore.
“Nga 58 deputetë sa do t’i ketë grupi ynë parlamentar, asnjë grua nuk ka pasur nevojë për kuotën gjinore, populli i Kosovës e ka bërë përfaqësuese të qytetarëve. 14 shkurti nuk kanë qenë një palë zgjedhje, kanë qenë referendum”, tha Kurti.
