Kryeministri i Kosovës, Albin Kurti, ka thënë se dje ka filluar një fushatë kundër MPJD-së, Donika Gërvallës me tezën se nuk e respekton Ushtrinë Çlirimtare të Kosovës, shkruan IndeksOnline.
Ai tha se Gërvalla e mbron dhe e afirmon luftën çlirimtare dhe UÇK-në.
“Dje, duket që filloi një fushatë kundër zëvendëses sime dhe ministres së MPJD, znj. Donika Gërvalla, me tezën se ajo nuk e respekton UÇK-në. Është interesante qysh kjo fushatë nuk nisi kur znj. Gërvalla erdhi në listën tonë zgjedhore e as kur u emërua ministre, por tash që u kthye nga vizita e suksesshme në Bruksel.
Znj. Gërvalla e mbron dhe e afirmon luftën tonë çlirimtare dhe UÇK-në. Në takimet me ndërkombëtarë, ajo e shpjegon agresionin dhe krimet e Serbisë gjatë luftës në Kosovë si pakkush tjetër”, tha ai.
[the_ad id='11273']