Ambasadori i Shteteve të Bashkuara të Amerikës (SHBA), Philip Kosnett, u ka dëshiruar fat lojtarëve të kombëtares së Kosovës në ndeshjen e sotme ndaj Spanjës.
Me anë të një shkrimi në Twitter, Kosnett ka uruar fat për Kosovën dhe ka shkruar diçka rreth flamurit.
“Duke i dëshiruar Kosovës fat në ndeshjen e tyre kundër Spanjës. Gjithmonë një moment krenar kur mund të luash nën hijen e flamurit valëvitës të vendit tënd në stadium”, ka shkruar ai.
Ndryshe Kosova zhvillon sonte ndeshjen ndaj Spanjës me fillim nga ora 20:45, ndeshje kjo e vlefshme për kualifikimet në botërorin e 2022.
Më poshtë postimi i Kosnett.